Press "Enter" to skip to content

යම් සංචරණ සීමාවන් රටතුළ පනවා ගන්නට වේවි

Share Button

රාජ්‍ය හා පෞද්ගලික පොදු ප්‍රවාහන සේවයේදී අවම මඟීන් ගෙනයන තත්ත්වය වෙනුවට උපරිම මඟීන් රැගෙනයාමේ අතිශය කනගාටුදායක තත්ත්වයකට පත්ව ඇති බවත්, එසේ වුවහොත් නැවත නුදුරේදීම රට වසා අඩපණ කර යථාවත් කරගැනීමට සිදුවන බවත් ශ්‍රී ලංකා මහජන සෞඛ්‍ය පරීක්‍ෂකවරුන්ගේ සංගමයේ සභාපති උපුල් රෝහණ මහතා පැවසීය.

ඔහු මේ බව පවසා සිටියේ පොදු ප්‍රවාහනය පිළිබඳ පවත්නා තත්ත්වය සම්බන්ධයෙන් මාධ්‍යයට පැහැදිලි කරමිනි.

එහිදී වැඩිදුරටත් අදහස් දැක්වූ උපුල් රෝහණ මහතා,

“ජනතාවගේ හැසිරීම් එක්ක සෞඛ්‍ය උපදෙස් ඉතාම දුර්වල මට්ටමක පැවතීම අනුව රෝගීන් වැඩිවන ආකාරය පිළිබඳ සැලකීමේදී යම් සංචරණ සීමාවන් රටතුළ පනවා ගන්නට වේවි. එසේ නැතිවුවහොත් ජනවාරි පෙබරවාරි මාසවල ඉතාමත් බැරෑරුම් ලෙස අවාසනාවන්ත තත්ත්වයකට රට තල්ලුවෙලා යාවි.

ඉදිරි සතිය දැඩි විමසිල්ලෙන් ජනතා ක්‍රියාකාරකම් නිරීක්‍ෂණය කර මේ වනවිට පවත්නා කනගාටුදායක තත්ත්වයද සැලකිල්ලට ගෙන ඉදිරි උත්සව සමයේදී රට වසා තබන්නේද නැතහොත් සංචරණ සීමා පනවන්නේද යන්න නිර්දේශ ඉදිරිපත් කිරීමට බිම් මට්ටමේ සේවය කරන ඉදිරිපෙළ නිලධාරීන් ලෙස පසුබට වෙන්නේ නැහැ.

අද වනවිට සෞඛ්‍ය උපදෙස් කඩ කිරීම පෞද්ගලික අංශයේ පමණක් නෙවෙයි රාජ්‍ය අංශයේ පවා සාමාන්‍යකරණයට ලක් කර තිබෙනවා. ආරම්භයේදී යම් තරමින් සෞඛ්‍ය පුරුදු ආරක්‍ෂා කරමින් සිටියත් මේ වනවිට ජනතාව ඒ පිළිබඳ නොසලකාහැර තිබෙනවා. යළි කෝවිඩ් ආසාදිතයන් වැඩිවීමටත් මරණ සංඛ්‍යාව ඉහළ යාමටත් ඒවා හේතු වෙලා තියෙනවා. මේ අයුරින් නම් ඉදිරියට යන්නෙ අදහාගත නොහැකි තරමින් කෝවිඩ් ආසාදිතයන් වැඩිවෙන එක නවත්වගන්න බැරිවෙයි” යනුවෙන් පැවසීය.

Share Button

Be First to Comment

Leave a Reply

Your email address will not be published. Required fields are marked *