Press "Enter" to skip to content

ශ්‍රී ලංකාවෙන් හමුවූ නව කොවිඩ් වෛරස් ප්‍රභේදය ගැන අනතුරු ඇඟවීමක්

Share Button

රට තුළින් සොයාගත් කොවිඩ් – 19 වෛරසයේ නව ප්‍රභේදය ගැන ජනතාව දැනුවත් කිරීමට සෞඛ්‍ය අමාත්‍යාංශය ඉතා ප්‍රමාද වූ බවට රජයේ වෛද්‍ය නිලධාරින්ගේ සංගමය චෝදනා කරයි.

නව වෛරස ප්‍රභේදය සම්බන්ධයෙන් ජනතාව කඩිනමින් දැනුවත් කිරීම සඳහා උපක්‍රම සැකසිය යුතු බව එම සංගමයේ සංස්කාරක වෛද්‍ය හරිත අලුත්ගේ මහතා පෙන්වා දෙයි.

සොයාගත් නව ප්‍රභේදය සම්බන්ධ වාර්තා ජයවර්ධනපුර විශ්වවිද්‍යාලයේ පර්යේෂක කණ්ඩායමක් විසින් දින කිහිපයට පෙර සෞඛ්‍ය අමාත්‍යාංශයට ලබාදී තිබුණද සෞඛ්‍ය අමාත්‍යාංශය කිසිදු පියවරක් නොගත් බව වෛද්‍යවරයා පවසයි.

පසුව ජයවර්ධනපුර විශ්වවිද්‍යාලයේ පර්යේෂක කණ්ඩායම විසින් ම එම තොරතුරු ඊයේ (26) ජනගත කළේය.

නව ප්‍රභේදය හඳුනාගැනීම සඳහා රට තුළ තිබෙන පහසුකම් වර්ධනය කිරීම සහ ඒ සම්බන්ධයෙන් කාර්යක්ෂමව පියවර ගතයුතු බව හරිත අලුත්ගේ මහතා පවසයි.

එසේ සොයාගත් නව ප්‍රභේදය යුරෝපයේ පවතින ප්‍රභේදයට බොහෝ සමානකම් තිබෙන බැවින් රට තුළ සීඝ්‍රයෙන් ව්‍යාප්තවීමේ ඉඩකඩ තිබෙන බවට අනාවැකි පළවී තිබෙන බවද වෛද්‍යවරයා පැවසීය.

නිරෝධායන මධ්‍යස්ථානයක සිටි පුද්ගලයෙකුගෙන් මෙම නව ප්‍රභේදය හමුවූ බැවින් රට අභ්‍යන්තරයේ කෙතරම් දුරට එය ව්‍යාප්ත වී තිබෙද යන්න කඩිනමින් අනාවරණය කරගත යුතු බවත් ඒ සම්බන්ධයෙන් කඩිනම් පියවර ගතයුතු බවත් වෛදයාවරයා පෙන්වා දෙයි.

මාසයක් පමණ පසුවී ඒ පිළිබඳව පියවර ගැනීමෙන් ඵලක් නොවන බවත් එවිට එය පාලනයෙන් ගිලිහී යා හැකි බවත් ඔහු පෙන්වා දෙයි.

එන්නත් ලබා දුන්නද මෙම නව ප්‍රභේදය එයින් පාලනය කිරීමට හැකිද යන්න සම්බන්ධනේද සොයා බැලිය යුතු බවද වෛදයාවරයා අවධාරණය කළේය.

විදෙස් රටවල් කිහිපයක පැතිර යන නව කොරෝනා වෛරස් ප්‍රභේදයක දිගුවක් ශ්‍රී ලංකාව තුළින් ද හඳුනාගත් බව ශ්‍රී ජයවර්ධනපුර විශ්ව විද්‍යාලයේ ආසාත්මිකතා හා ප්‍රතිශක්ති විද්‍යාව හා සෛල ජෛව විද්‍යා ආයතනයේ අධ්‍යක්ෂ වෛද්‍ය ආචාර්ය චන්දිම ජීවන්දර මහතා ඊයේ ප්‍රකාශ කළේය.

වෛද්‍යවරයා පැවසුවේ ශ්‍රී ලංකාව තුළ මීට පෙර හඳුනාගත් වෛරස් ප්‍රභේදයට වඩා මෙම ප්‍රභේදය වෙනස් වන අතර ස්වීඩනය, ජර්මනිය, ඩෙන්මාර්කය, අයිස්ලන්තය යන රටවල ව්‍යාප්ත වූ වෛරසයට සමාන ලක්ෂණ ඇති බවයි.

මෙම වෛරසය සීඝ්‍රයෙන් ව්‍යාප්තවීමේ හැකියාවක් පවතින බවත් වෛද්‍ය චන්දිම ජීවන්දර මහතා පැවසීය.

Share Button
More from අවධානය පිණිසයිMore posts in අවධානය පිණිසයි »
More from ප්‍රධාන පුවත්More posts in ප්‍රධාන පුවත් »

Be First to Comment

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *